• Kalata Ukufuma kwi Bumba Litungulula
    Abateyanishiwa ku Kucita Ukufwaya kwa kwa Yehova

    • mulimo wa kwa Yehova? (1 Tim. 4:15) Kuti mwacita shani pa kuti mu cilonganino mutwalilile ukuba umutende? (2 Kor. 13:11) Moneni amasuko kuli aya mepusho muli cino citabo.

      Nga muli baume ababatishiwa, finshi mufwile ukucita pa kuti mukafikepo ukuba umubomfi atumikila no kuba eluda ku ntanshi? Abantu abengi nga nshi baleisa mu cilonganino ca kwa Lesa, kanshi bamunyinefwe abafikapo abakubomba imilimo mu filonganino balefwaikwa nga nshi. Nga mulebelenga cino citabo mukeshiba ifyo mwingacita pa kuti mukafikepo ukuba umubomfi utumikila nelyo ukuba eluda.—1 Tim. 3:1.

      Tulemupepelako ukuti cino citabo cikamwafwe ukulafwaisha ukubombako imilimo mu cilonganino ca kwa Yehova no kulamona iyo milimo ukuti yalicindama nga nshi. Twalimutemwa icine cine kabili lyonse tulamupepelako ukuti mukabe pa bantu abakatwalilila ukuba ne nsansa mu kupepa Shifwe wa ku muulu Yehova.—Amalu. 37:10, 11; Esa. 65:21-25.

      Ni fwe bamunyinenwe,

      Ibumba Litungulula Ilya Nte sha kwa Yehova

  • Abateyanishiwa ku Kucita Ukufwaya kwa kwa Yehova
    Abateyanishiwa ku Kucita Ukufwaya kwa kwa Yehova

    • ICIPANDWA 1

      Abateyanishiwa ku Kucita Ukufwaya kwa kwa Yehova

      MWI SONDE fye lyonse mwaliba ifilonganino ifingi. Mwaliba ifilonganino fya mapepo, ifya fikansa fya calo, ne filonganino ifyafwa abantu mu mikalile, kabili ifi ifilonganino fyonse fyalipusanapusana ifyo fyapangwa, ifyo fibomba, ifyo fifwaya ifintu ukuba, ne fyo fitungululwa. Lelo kwaliba icilonganino icaibela icine cine. Icebo ca kwa Lesa cilanga fye apabuuta tuutu ukuti, ici cilonganino ca Nte sha kwa Yehova.

      2 Caliwama mwaliba mu cilonganino ca kwa Yehova. Mulacita ukufwaya kwakwe pantu mwalishiba bwino ifyo Lesa afwaya. (Amalu. 143:10; Rom. 12:2) Mulabombela pamo na ba bwananyina abatemwana ababa mwi sonde lyonse. (2 Kor. 6:4; 1 Pet. 2:17; 5:9) Nga filya Icebo ca kwa Lesa calanda, ukuba umubomfi wa kwa Lesa lipaalo ilikalamba nga nshi. (Amapi. 10:22; Marko 10:30) Nga muli aba cishinka ilyo mulecita ukufwaya kwa kwa Yehova, mukaba no bumi bwine bwine ku ntanshi.—1 Tim. 6:18, 19; 1 Yoh. 2:17.

      3 Kabumba wesu Yehova alikwata icilonganino icaibela mwi sonde lyonse ico atungulula. Apo e utungulula, e Mutwe wa fintu fyonse mu cilonganino cakwe. Twalimucetekela icine cine. E Kapingula wesu, e utupeela amafunde, kabili e Mfumu yesu. (Esa. 33:22) Apo te Lesa wa cimfulunganya, alipekanya bwino ifintu pa kuti ‘tulebombela pamo nankwe’ mu kucita ubufwayo bwakwe.—2 Kor. 6:1, 2.