‘Tasheni Inte sha kwa Yehova Pali aya Maipepele’

ICIPANDE ca mu nyunshipepala ya USA Today casosa aciti, “Ilyo mushilatamfya Inte sha kwa Yehova pa ng’anda pa mwenu, taleni tontonkanyeni pa fyo bapakeswe ku museebanya mu myaka ya nomba line fye, pamo pene no mulimo usuma uo babombele pa kuti tukwate Ulupapulo lwa Mafunde Ulupya ulusuminisha amayendele na maisosele ifyo bonse tuleipakisha.” Inte sha kwa Yehova shalipakeswe mu United States mu myaka yonse iya ba 1940, no mulandu umo balepakashilwa kukaana ukupika sulupu ku mendela.—Ukufuma 20:4, 5.

Imilandu nakalimo 30 iyo bapeele Inte sha kwa Yehova yatwelwe ku Cilye Cikalamba ica ku United States mu myaka isano iya pa kati ka 1938 na 1943. Icipande catila: “Inte sha kwa Yehova libili libili shalekomaila pa kwalula Ulupapulo lwa Mafunde ica kuti Shicilye Harlan Fiske Stone alembele ati, ‘Tufwile ukutasha Inte sha kwa Yehova pa mulandu wa fyo shafwilishako mu fya mafunde no kuletela abekala calo ubuntungwa.’”

E ico, pa kusondwelela icipande, kalemba atila: “Aba mu mipepele yonse bafwile ukutasha Inte sha kwa Yehova pali aya maipepele bakwete.”

[Abatusuminishe Ukubomfya Icikope pe bula 32]

Icikuulwa cili ku numa: Icikope kuli Josh Mathes, ica ba Supreme Court of the United States; ku kuso pe samba, bashimafumu: icikope ca ba Supreme Court of the United States