• “Ukwishibo Kutemwa kwa kwa Kristu”
    Palameni Kuli Yehova

    • “Tata, Mubalekelele”

      16. Bushe ukuitemenwa kwa kwa Yesu ukwa kulekelela kwamoneke shani na lintu ali pa cimuti ca kucushiwilwapo?

      16 Yesu alangishe ukutemwa kulya kwine fye Wishi ali na ko mu nshila na imbi—‘aalelekelela.’ (Amalumbo 86:5) Uku kuitemenwa ukulekelela kwamoneke na lintu aali pa cimuti ca kucushiwilwapo. Ilyo aleipaiwa imfwa ya museebanya, ne misomali naipoopelwa ku maboko na ku molu, cinshi Yesu alandilepo? Bushe abilikishe kuli Yehova ukuti akande abalemwipaya? Iyo, pa mashiwi alandile pa kulekelesha, pali na mashiwi Yesu atile: “Tata, mubalekelele; pantu tabeshibe ico balecita.”—Luka 23:34.b

  • “Ukwishibo Kutemwa kwa kwa Kristu”
    Palameni Kuli Yehova

    • b Ulubali lwa kubalilapo ulwa kwa Luka 23:34, balilufumyamo muli bamanyuskripiti bamo aba ku kale. Lelo pa mulandu wa kuti aya mashiwi e mo yaba muli bamanyuskripiti bambi abacetekelwa, yalisanshiwamo na muli New World Translation na mu maBaibolo yambi ayengi. Yesu pano ukwabula no kutwishika alelanda pa bashilika ba cina Roma abamupoopeele. Tabaishibe ico balecita, pantu tabaishibe untu Yesu mu cine cine ali. Kwena, bashimapepo abasongelekenye ukuti Yesu epaiwe bali aba mulandu sana, pantu bacitile fyo ku mufulo kabili no lupato. Ku bengi aba muli bene, takwali kulekelelwa.—Yohane 11:45-53.