• “Amalango ya kwa Yehova Yafikapo”
    Palameni Kuli Yehova

    • 9, 10. Icipingo ce Funde casanshishemo ifipope nshi pa lwa kwampana kwa bwaume no bwanakashi no kufyala, kabili bunonshi nshi bwali mu mafunde ya musango yo?

      9 Ifipope fya mu cipingo ce Funde fyalondolwele ukuti ukwampana kwa bwaume no bwanakashi no kufyala—nangu fye ni pa bantu baupana—kwalelenga umo ukukowela pa nshita imo. (Ubwina Lebi 12:2-4; 15:16-18) Ifipope fya musango yo tafyasaalwile ifi fya bupe fyasanguluka ifya kwa Lesa. (Ukutendeka 1:28; 2:18-25) Lelo, ayo mafunde yalesumbula bumushilo bwa kwa Yehova, ukulenga bakapepa wakwe ukutwalilila abashakowela. Inko ishina mupalamano sha bena Israele shena shalesaakanya ukupepa no kulaalana e lyo no kusefya kwa fya bufyashi. Mu mipepele ya bena Kanaani mwali na bucilende. Umu mwalefuma imisango yabipisha kabili yaile ilepya fye ngo mulilo wa mpanga. Lelo, Amalango yalengele ukupepa Yehova ukukanasanshiwamo ifya bwaume no bwanakashi.b Mwali ubunonshi na bumbi.

      10 Yalya malango yasambilishe icine cacindama.c Na kabushe, bushe ulubembu lwa kwa Adamu lwambukila shani abantu ba mu nkulo shonse? Bushe te kupitila mu kwampana kwa bwaume no bwanakashi no kufyala? (Abena Roma 5:12) Amafunde ya kwa Lesa yalecinkulako abantu ukuti cine cine lyonse ulubembu e ko lwaba. Na kuba, ifwe bonse, tufyalwa mu lubembu. (Amalumbo 51:5) Tukabila ukulekelelwa no kulubulwa pa kuti tupalame kuli Lesa wesu uwa mushilo.

  • “Amalango ya kwa Yehova Yafikapo”
    Palameni Kuli Yehova

    • b Mu matempele ya bena Kanaani mwali imiputule ya kucitilamo ubulalelale, lelo Amalango ya kwa Mose yena yatile abakowela tabali na kwingila na mwi tempele. Kanshi, apo ukulaalana kwalelenga umuntu ukukowela pa kashita, takwali nangu umo uwali no kusuminishiwa ukuletamo bucilende mu kupepa pa ng’anda ya kwa Yehova.