Kateka wa maka uwa baYuda, Yuda Makabe, uwa mu lupwa lwaishibikwe ukuti abena Hasimonani, atungulwile ifita fya bacipondoka ifyapokolwele abaGriki itempele.a

Pa numa ya kufika pa buyo bwakwe ubwa kubwesha ukupepa pe tempele lya kwa Yehova, Yuda Makabe aishileyobeka mu bupolitiki. E co, abaYuda abengi balekele ukumukonka. Nalyo line atwalilile ukulwisha bakateka ba bena Selukia, apangile icipangano na Roma, no kufwaya ukuti icalo ca baYuda cileiteka. Pa numa ya mfwa ya kwa Yuda mu bulwi, bamunyina babili Jonathan na Simon batwalilile ukulwishanya.