Umutumwa Petro alembele kalata yakwe iya kubalilapo nalimo mu 62 ukufika mu 64 C.E. Atile: “Uuli mu Babiloni . . . amuposha, e lyo no mwana wandi Marko, na o amuposha.” (1 Pet. 5:13) Kanshi Marko aliile ku Babiloni ku kubombela pamo no mutumwa Petro uwali pa balelonganina mu ng’anda ya banyina Marko mu myaka ya ku numa.

Nangu ca kutila ibuuku lya kwa Marko talyalumbula amashina ya balilembele, abena kale batila ni Marko walilembele, e lyo ne fyebo alembele afifumishe kuli Petro. Na kuba, fyonse ifyo Marko alembele fintu Petro aimwenene na menso.