Ifya Kubilisha

◼ Impapulo sha kushiila abantu mu January: Bushe Cinshi Baibolo Isambilisha? Nga ca kutila abene ba ng’anda balikwata kale ici citabo, kuti mwabashiila icitabo icili conse ica mabula 192 icalembelwe pa mapepala ayamoneka aya kaaki nelyo icitabo icili conse icapulintilwe ilyo umwaka wa 1992 ushilafika. February: Kuti mwashalika ishi mpapulo nga namukwata: Is There a Creator Who Cares About You?, Icaba Inkaama ku Nsansa sha Lupwa, nelyo Baibolo—Cebo ca kwa Lesa Nelyo ca Muntu? March: Bushe Cinshi Baibolo Isambilisha? Bikeni sana amano ku kutendeka amasambililo ya Baibolo. April: Magazini ya Ulupungu lwa kwa Kalinda na Loleni! Nga mwabwelela ku bengafwaya ukumfwilapo na fimbi, ukubikapo fye na balya abasangwa ku Cibukisho nangu ku kulongana kumbi lelo abashisangwa ku kulongana kwa pa cilonganino, mulebika sana amano ku kushalika icitabo ca mutwe wa kuti Bushe Cinshi Baibolo Isambilisha? Ubufwayo bwenu bwa kutampa isambililo lya Baibolo muli ici cine citabo.

◼ Ukutendeka mu mulungu wa kubalilapo uwa March, ilyashi ilipya ilya ku cintubwingi ilyo bakangalila ba muputule bakalalanda likalati “Kaaneni Ifya Kwelenganya fya mu Calo, Lelo Konkeleleni Ifya Cine Cine Ifya Bufumu.”

◼ Ifilonganino filingile ukupekanya bwino ukusefya Icibukisho ca uno mwaka icikaba pali Cine, pa April 9, ilyo akasuba kawa. Cila cilonganino cilingile ukwesha na maka ukusefya Icibukisho ceka. Nga ca kuti ifilonganino ifingi fibomfya Ing’anda ya Bufumu imo, nalimo icilonganino cimo nelyo ukucilapo kuti fyayashima icikuulwa cimbi e mo balonganina ico cungulo bushiku. Nga cingacitika, kuti twatemwa icilonganino cimo nga capwa ukusefya Icibukisho papita amamineti 40 e lyo cimbi na co catendeka ukusefya, pa kutila bonse bakakwate inshita ya kuposhanya pa numa ya Cibukisho.