Ukubilisha

◼ Impapulo sha kupeela abantu mu December: Icitabo ca kuti Umuntu Wakulisha Uwabalile Abako Uwa Mweo. Nga tamukwete ici citabo, kuti mwabapeela ifi fitabo nga ca kuti namukwata pa cilonganino: Baibolo–Cebo ca kwa Lesa Nelyo ca Muntu?, Icitabo Candi ca Malyashi ya mu Baibolo, nelyo Kuti Waikala Kuli Pe na pe Muli Paradise Pe Sonde. January: Icitabo conse ica mabula 192 icalembelwe pa mapepala ayamoneka aya kaaki nelyo icalembelwe ilyo 1991 ishilafika kuti mwacibomfya. Ifilonganino ifishikwete ifi fitabo fyonse ifya kale, kuti bashalika icitabo ca Ukwishiba nelyo broshuwa ya kuti Mulelola! February: Tukalashalika icitabo ca Palameni Kuli Yehova. Nga tamukwete ici citabo pa cilonganino, shalikeni icitabo citila Ukusokolola nelyo impapulo shimbi ishituleme. March: Shalikeni icitabo citila Baibolo Isambilisha kabili esheni na maka ukutendeka amasambililo ya Baibolo.

◼ Tukatuma nomba line utupepala twa kwitilapo abantu ku Cibukisho ca uyu mwaka uleisa uwa 2007 mu lulimi ulo icilonganino cibomfya. Nga ca kutila mu cifulo mushimikila mwaliba indimi shimbi ishilandwa e lyo kabili kuti mwatemwa ukukwata utupepala muli ulo lulimi, bwangu bwangu kuti mwaorda pali formu ya Literature Request Form (S-14). Indimi umo utupepala twa kwitilapo abantu ku Cibukisho tukalembwa ni mu ciNgeleshi, iciTonga, iciChewa, Icibemba, ciKaonde, iciLubale, iciLunda, iciLozi na mu ciSwahili. Mukwai mukaorde fye utupepala mu ndimi shilandwa mu cifulo mubombela.

◼ Tulemwishibisha ukuti Icibukisho ca mu mwaka wa 2008 cikaba pa Cibelushi, pa March 22, akasuba nga kawa. Twalandila kabela pa kutila bamunyina bakafwaye no kupekanishisha limo uko bakalonganina nga ca kutila filonganino ifilonganina mu Ng’anda ya Bufumu fingi. Nga bafwaila limo icifulo ca kubomfya pa Cibukisho, baeluda bafwile ukusuminishanya na bene ba fifulo pa kuti kwikaba fimbi ifikalacitika pali ico cifulo ifikapumfyanya. Pa mulandu wa kucindama kwa iyi nshita, ibumba lya baeluda lilingile ukusala umo pali bakalanda bafikapo sana ukulanda ilyashi lya Cibukisho ukucila ukulalekanina fye nelyo ukubomfya munyina umo wine cila mwaka. Lelo, nga kuli eluda wafikapo uwasubwa uwingalanda ili lyashi, ninshi e o mwingasala.

◼ Ulupungu lwa kwa Kalinda mu lulimi lwa ciLunda lukalafuma cila mweshi. Ulukabalilapo lwa January 1, 2007.

◼ Impapulo Shipya ishilipo:

Watch Tower Publications Index 2001-2005—IciNgeleshi