a Nga filya fine fyaba mwi pepo lya kwa Yesu ilya we Shifwe, na mwi pepo lya baYuda mwine, balalomba ukuti ishina lya kwa Lesa licindikwe. Nangu ca kutila abasambilila tabasuminishanya nga ca kuti ili ipepo lya baYuda e ko lyali mu nshita ya kwa Kristu na lintu Kristu talaisa, tatulingile ukupapa ukuti aya mapepo yabili yalipalana. Ico Yesu aimininepo te kutila kano fye ipepo lyakwe lipusaneko ne lya baYuda. Ifyo alandilepo muli ili pepo fyafumine mu Malembo ayo abaYuda bonse bakwete pali ilya nshita.