Mu United States, bashimapepo abengi abasakamikwe sana pa lwa konaika kwa mibele isuma, bapangile akabungwe kaleitwa ati Moral Majority. Ico aba mu kabungwe aka balefwaisha kuleka abengapanga ifishinte fisuma ifya mu lupwa ukukwata ififulo mu buteko.

Apo akabungwe ka Moral Majority kalifilwa ukufika pa buyo bwa kako mu United States, uwakapangile, Jerry Falwell, alikapashile mu 1989. Utubungwe tumbi twalipyanikwapo. Nalyo line, Paul, Weyrich, uwapangile amashiwi ya “moral majority,” alembele muli magazini wa Christianity Today ati: “Nangu line twacimfya mu mapolitiki, ukucimfya kwesu takuleta ifishinte ifyo twacetekela ukuti fyalicindama.” Na kabili alembele ati: “Ubwikashi bwesu buleya bulebipilako fye. Twaba mu bwikashi ubwaonaika sana, ukonaika ica kuti na bamapolitiki balipeshiwa amano.”