Pa numa ya kukanshiwa ku Gileadi, George na ine twapokelele ukwa kubombela kupya ku Mauritius, icishi cabela muli bemba wa Indian Ocean. Twapangile icibusa na bantu, twasambilile ululimi lwabo, no kutungulula amasambililo ya Baibolo aya mu ng’anda na bo.

Imyaka 8 yapitile fye kwati bufi, kabili lyene pe bungano lya pa kati ka nko mu New York mu 1958, twamonene na Jean Hyde na kabili. Twabukulwile icibusa cesu kabili lyene twalikobekelene. Bantumine kumbi ukwa kubombela bumishonari ukufuma ku Mauritius ukuya ku Japan,