Ukulingana Na Baibolo

Bushe Abafwa Kuti Mwabafwilisha?

“Ukutula fye apo Icalici lyatendekela . . . lilapepelako [abafwa] . . . pa kutila nga basangululwa, kuti bamona Lesa no kuba ne nsansa.”—“Amafundisho ya baKatolika.”

Fimbi ifyo basambilisha fya kutila uwafwa uwapaalwa na Lesa kuti asanga “insansa ishingi” mu muulu umo aya mu kwikala na Lesa. Nomba ilyo talasanga insansa kano asangululwa. Pa kuti uwafwa asangululwe kano abala aculako mu “mulilo” pa kuti bamukande pa membu isho engeleelwa. Nangu cibe fyo, ilyo uwafwa ali mu mutwala, icalici lilamupepelako kabili kulaba ne Minsa pa kuti bamwafwilishe. Ilingi line icalici lilapepela uwafwa uulecula nga ca kuti ifibusa na balupwa lwakwe balipila indalama.