-
Yehova Alatumona pa Kutila CituwamineUlupungu—2008 | October 15
-
-
16. Bushe umulimo wa kushimikila ulanga shani ukuti Yehova alibikako amano ku bantu ababa nge mpaanga?
16 Umulimo wa kushimikila uulebombwa mwi sonde lyonse bushininkisho na bumbi ubwa kuti Yehova alibikako amano ku bantu ba mitima iisuma, te mulandu na kuntu baba. (Ukute. 18:25) Ilingi line, Yehova kuti atungulula ababomfi bakwe ku bantu bapala impaanga ukubomfya bamalaika. Alacite fyo te mulandu nangu abo bantu bekala ku ncende uko imbila nsuma ishilafika no kufika. (Ukus. 14:6, 7) Ku ca kumwenako, Lesa abomfeshe malaika ukutungulula Filipi kabila wa mbila nsuma uwa mu nshita sha Bena Kristu ba kubalilapo, ukuyakumanya umulashi wa ku Etiopia no kumulondolwela Amalembo. Cinshi caishilecitika? Uyo muntu alitetekele imbila nsuma, alibatishiwe no kuba umusambi wa kwa Yesu.b—Yoh. 10:14; Imil. 8:26-39.
-
-
Yehova Alatumona pa Kutila CituwamineUlupungu—2008 | October 15
-
-
b Pa Imilimo 16:6-10, paliba ica kumwenako na cimbi icilanga ukuti Lesa alatungulula umulimo wa kushimikila. Palya tubelengapo ukuti ‘umupashi wa mushilo walileseshe’ Paulo na banankwe ukushimikila mu Asia na mu Bitunia. Lelo, baebelwe ukuyashimikila ku Makedonia, uko abafuuka abengi batetekele ilyo babashimikile.
-