Na cimbi icacindama mu kupanga amaBaibolo mu ndimi sha mu Afrika cacitike mu August 2005. Muli ulya mweshi, aba pa maofesi ya Nte sha kwa Yehova aya mu South Africa balipulintile no kupanga amaBaibolo ya New World Translation ukucila pali 76,000 mu ndimi sha mu Afrika. Pali iyi yine mpendwa pali na maBaibolo ya mu ciShona 30,000. Baibolo ya mu ciShona baikakwile mu Zimbabwe pa kulongana kwa citungu ukwaleti “Icumfwila ca Bukapepa.”

Muli ulya mweshi ushakalabwe, abatandalile umusambo wa ku South Africa balitemenwe ukumona uko balepulinta no kupanga amaBaibolo yapya mu ndimi sha mu Afrika. BaNhlahla, ababombela pa Bethel uko bapanga ifitabo batile: “Nalitemenwe nga nshi ukubombako umulimo wa kupanga amaBaibolo ya New World Translation mu ciShona na mu ndimi shimbi isha mu Afrika.” Ifi baNhalnhla basosele, e fyo aba pa musambo wa mu South Africa bonse baleyumfwa.

Nomba amaBaibolo ya kulafika ku bena Afrika mu kwangufyanya kabili takwakulaba kupoosapo sana indalama nga fintu cali lintu balepangila amaBaibolo ku Bulaya e lyo bayatuma ku Afrika. Icacindamisha ca kuti abena Afrika nomba nabakwata Baibolo iyapilibulwa bwino umwaba ne shina lya mushilo ilya kwa Katendeka Mukalamba uwa Baibolo, Yehova Lesa.

[Icikope pe bula 13]

Abeni abafumine ku Swaziland baletamba amaBaibolo yapya ayo balepanga pa musambo wa mu South Africa