5, 6. (a) Bushe muno nshiku, Yehova alebomfya shani Abena Kristu basubwa ababa nga Yeremia? (b) Finshi twalalandapo muli cino cipande?

⁵ Muno nshiku, Yehova alibikako Abena Kristu basubwa ababa kwati balinshi aba kusoka abantu pa bupingushi bwakwe ubuli no kucitika kuli cino calo. Pa myaka iingi, aba Abena Kristu ababa nga Yeremia baleba abantu ukubika amano ku filecitika mu nshiku shesu. (Yer. 6:17)

10. Cinshi twingasosela ukuti abasubwa abashalapo balikwata “amaka pa nko na pa mabufumu”?

¹⁰ Yehova, “Imfumu ya nko,” aebele Yeremia ukusoka inko na mabufumu pa bupingushi bwakwe. (Yer. 10:6, 7) Lelo bushe calola mwi ukuti abasubwa abashalapo balipeelwa “amaka pa nko na pa mabufumu?” (Yer. 1:10) Nga Yeremia, abasubwa balipeelwa umulimo kuli Mulopwe wa bubumbo bonse. Kanshi ababomfi ba kwa Lesa abasubwa balipeelwa amaka ya kubila ubukombe bwa kusoka inko na mabufumu. Lesa, Uwapulamo, e wabapeela insambu kabili babomfya Icebo cakwe icayanguka ukumfwa ku kubila ukuti inko na mabufumu ayabapo lelo, fikonaulwa inshita Lesa aimika nga yafika. (Yer. 18:7-10; Ukus. 11:18) Abasubwa balafwaisha ukutwalilila ukubila mu calo conse ubukombe ubo Lesa abapeela, ubulanda pa bupingushi bwa kwa Yehova.