• “Ishina Lipya”
    Ukusesema kwa kwa Esaya—Ulubuuto lwa Bantu Bonse 2

    • Icipandwa 23

      “Ishina Lipya”

      Esaya 62:1-12

      1. Bulayo nshi bwalembwa muli Esaya icipandwa 62?

      UBULAYO, icisansamushi, isubilo lya kubweshiwa—e fyo abaYuda abali mu kupeleelwa mu Babele balekabila. Nomba napapita imyaka iingi ukutula apo Yerusalemu ne tempele lya uko fyaonawililwe. Apabeleele icifulo ca Yuda icapomoka nalimo pali bakilomita 800 ukufuma mu Babele, kabili cilemoneka kwati Yehova nalaba abaYuda. Cinshi cingawamya imibele balimo? Malayo ya kwa Yehova aya kuti ali no kubabwesesha ku calo cabo no kubasuminisha ukubwesha ukupepa kwasanguluka. Iyo nshita, pe punda lya mashiwi ya kuti “uwalekeleshiwa” na “apapomoka” pakapyana amashiwi ayalangilila ukusenaminwa kuli Lesa. (Esaya 62:4; Sekaria 2:12) Mu cipandwa 62 ica kwa Esaya e mwaisula aya malayo.

  • “Ishina Lipya”
    Ukusesema kwa kwa Esaya—Ulubuuto lwa Bantu Bonse 2

    • 2. Yehova asenamina shani Sione na kabili?

      2 Babele bamutaasha mu 539 B.C.E. Pa numa, Imfumu Koreshe iya ku Persia yafumye cipope ca kulenga abaYuda abatiina Lesa ukubwelela ku Yerusalemu no kuyabwesha ukupepa kwa kwa Yehova. (Esra 1:2-4) Mu 537 B.C.E., abaYuda ababalilepo ukubweluluka nabafika kale mu calo cabo. Na kabili Yehova asenamina Yerusalemu, nge fyo na mashiwi yakwe aya kusesema kabili aya cililishi yalanga: “Pa mulandu wa Sione nshakutumane, pa mulandu wa Yerusalemu nshafinde, bukasuke abufumo bulungami bwa uko nge mibengelele, no kupusuka kwa uko nge cenge icileaka.”—Esaya 62:1.

      3. (a) Mulandu nshi Yehova kuli pele pele akaanina Sione wa pano isonde, kabili nani apyana pali wene? (b) Kufutuka nshi kwacitika, kabili ni lilali kwacitike, kabili ni mu nshita nshi tuleikala pali lelo?

      3 Mu 537 B.C.E., Yehova afishishepo ubulayo bwakwe ubwa kubwesha Sione nelyo Yerusalemu. Apuswishe abekashi ba uko, kabili ubulungami bwabo bwalibalikishe.

  • “Ishina Lipya”
    Ukusesema kwa kwa Esaya—Ulubuuto lwa Bantu Bonse 2

    • “Ishina Lipya” Ilyo Yehova Ainika

      6. Cinshi Yehova aletontonkanishisha Sione?

      6 Cinshi Yehova aletontonkanishisha Sione, “umwanakashi” wakwe uwa mu muulu, uwaimininweko na Yerusalemu wa pa kale? Atila: “Shikasuke ne nko shimone ubulungami bobe, ne shamfumu shonse ubukata bobe. Na iwe ukenikwe shina lipya, ilyo akanwa ka kwa Yehova kakalumbula.” (Esaya 62:2) Ilyo Abena Israele balecite fintu mu bulungami, inko shapatikishiwa ukumona kabili shayangwako. Nangu fye shamfumu shapatikishiwa ukusumina ukuti Yehova alebomfya Yerusalemu no kuti ukuteka konse uko shiteka kwa fye ilyo kwalinganishiwa ku Bufumu bwa kwa Yehova.—Esaya 49:23.

      7. Bushe ishina lipya ilya kwa Sione cishibilo ca cinshi?

      7 Yehova nomba alanga ukuti imibele ya kwa Sione nayaluka pa kumupeele shina lipya. Ilyo ishina cishibilo ca kupaalwa no kucindamikwa uko abana ba kwa Sione pe sonde baipakishe ukutendeka mu 537 B.C.E.a Lilanga ukuti Yehova alisumina ukuti Sione cikwatwa cakwe.