[Icikope pe bula 69]

Eliya abuushishe umwana wa kwa mukamfwilwa.—1 Ishamfumu 17:17-24

[Icikope pe bula 69]

Ukubuuka kwa kwa Lasaro kwaletele insansa ishingi.—Yohane 11:38-44

[Icikope pe bula 69]

Umutumwa Petro abuushishe Dorka, umwanakashi Umwina Kristu.—Imilimo 9:36-42

Lasaro aba pa bantu 9 ababuukile, abalembwa mu Cebo ca kwa Lesa.a Ukubelenga no kusambilila pali aya malyashi kulasansamusha. Aya malyashi yatusambilisha ukuti Lesa taaba na kapaatulula, pantu alebuusha abanono na bakalamba bene, abaume na banakashi, abena Israele na bashali bena Israele. Kabili aya malyashi mwandini yalaleta insansa! Ku ca kumwenako, ilyo Yesu abuushishe umukashana wafwile, abafyashi ba mukashana “apo pene bapeshiwe amano no kusekelela apakalamba nga nshi.” (Marko 5:42) Ca cine, Yehova abalengele ukusekelela kabili tabaali na kulaba ico abacitiile.

¹⁰ Kwena abo Yesu abuushishe balifwile na kabili. Bushe kuti twatila kanshi nga tababuushishe fye? Awe. Aya malyashi ya mu Baibolo yomfwana ne cine cacindama icitupeela isubilo.