-
“Fwaleni Ifya Bulwi Fyakumanina Ifya Kwa Lesa”Ulupungu—2004 | September 15
-
-
6. Mulandu nshi uwa kucingilila umutima wesu uwa mampalanya, kabili ubulungami kuti bwaucingilila shani?
6 Ubulungami nge ca kucinge cifuba. Ica kucinge cifuba ica mushilika calecingilila icilundwa cacindama nga nshi, e kutila umutima. Umutima wesu uwa mampalanya—umuntu wa mu kati—ulakabila ukucingililwa bwino bwino pantu walemenena ku kucita icalubana. (Ukutendeka 8:21) E ico tufwile ukwishiba ifipimo fyalungama ifya kwa Yehova no kufitemwa. (Amalumbo 119:97, 105) Nga twatemwa icalungama tukakaana ukutontonkanya kwa ku calo uko kusuula nelyo ukusundula ubutungulushi bwa kwa Yehova. Kabili, nga twatemwa icalungama no kupate calubana, tulasengauka ukucita icingonaula ubumi bwesu. (Amalumbo 119:99-101; Amose 5:15) Yesu alitwimikile ca kumwenako muli ci, pantu ulwa wene, Amalembo yatila: “Watemenwe ubulungami, kabili wapatile bumpulamafunde.”—AbaHebere 1:9.a
-
-
“Fwaleni Ifya Bulwi Fyakumanina Ifya Kwa Lesa”Ulupungu—2004 | September 15
-
-
a Mu kusesema kwa kwa Esaya, Yehova alondololwa ukuti afwalo “bulungami e ca kucingo mubili.” Kanshi, afwaya ukuti bakangalila ba mu cilonganino baleba no bulungi no kubomba mu bulungami.—Esaya 59:14, 15, 17.
-