Bakateka ba Bufumu bwa kwa Lesa

6. (a) Bushe Amalembo yalanga ukuti ni bumulopwe bwa kwa nani ubumonekela mu Bufumu bwa kwa Mesia? (b) Bushe ifyo tusambilila pali ubu Bufumu fifwile ukutukuma shani?

⁶ Ica ntanshi pa fintu ifyo ukuceeceeta kwa musango yo kusokolola ca kuti ubu Bufumu bwa kwa Mesia e mo Yehova alangishisha bumulopwe bwakwe. Ni Yehova e wapeele “ukuteka, no bukata, no bufumu” ku Mwana wakwe. Pa numa Umwana wa kwa Lesa apeelwe amaka ya kutendeka ukuteka, ukube Mfumu, e lyo mu muulu mwaumfwikike amashiwi yaleti: “Ubufumu bwa pe sonde bwaisabo bwa kwa Shikulwifwe [Yehova Lesa], no bwa kwa Kristu wakwe, na o [Yehova] akulabe Mfumu umuyayaya umuyayaya.” (Ukusokolola 11:15) Kanshi fyonse ifyo tumona pali ubu Bufumu ne fyo bulecita kuti fyatupalamika sana kuli Yehova umwine. Ifyo tusambilila filingile ukutulenga ukufwaisha ukunakila kuli bumulopwe bwakwe umuyayaya.

8. (a) Ukupusanako ne mitekele ya bantunse, mulandu nshi ubuteko bwa kwa Lesa bukatwalilila ukubako? (b) Kwampana nshi kwaba pa “umusha wa cishinka kabili uwashilimuka” no buteko bwa mu muulu?

⁸ Ubufumu bwa kwa Lesa buteko ubushalukaaluka, ubukatwalilila ukubako. Icishininkisha ukuti bukatwalilila ukubako mulandu wa kuti Yehova umwine tafwa.