Ukubeya. Abaume AbaHebere aba ku kale baleteeka imyefu. Lelo Baibolo itweba ati Yosefe alibeyele ilyo ashilaya mu kumonana na Farao. (Ukutendeka 41:14) Mulandu nshi abeyele? Pa kuti akonke ulutambi na mafunde ya bena Egupti, aya kuti umuntu uukwete umushishi ku mutwe na ku cilefulefu ninshi musali icine cine. Icitabo ca Everyday Life in Ancient Egypt citila “[Abena Egupti] baleumfwa icilumba pa kubeya umushishi onse,”. Na kuba balisangileko inshishi shimo umwali amafuta ayalekanalekana aya kubeyela umushishi, utunesala no twakubeyela nkopyo ne filolani, pamo no mo balesungila ifi fintu. Ukwabula no kutwishika, Mose ali ni kalemba uwapooseleko sana amano pa kulemba aya mabuuku kabili alembele fye filya fine ifintu fyali. E fyali na bakalemba bambi aba Baibolo abalembele ifyebo fimo pa fyo icalo ca Egupti cali kale.

[Icikope pe bula 16]

Fimo fimo ifyo abena Egupti balebomfya pa kubeya, akanesala ne cilolani