Ilyo papitile imyeshi inono, abashilika ba ku Russia abaleisa balepalama balengele abaNazi ukufulumuka mu nkambi. Ilyo twaleipekanya ukuti tufume mu nkambi, ifwe fwe bamunyina twabikile ubumi bwesu mu kapoosa mweo no kuya ku nkambi ya banakashi mu kumona inkashi shesu isha Bwina Kristu abali napamo 20, kabili pali ili bumba paali na Elsa Abt na Gertrud Ott.b Ilyo batumwene fye, balitubutukile kabili pa numa ya kulanshanyako panono amashiwi ya kukoseleshanya, baimbile ulwimbo lwa Bufumu umwaba na mashiwi ya kuti: “Uwa busumino, uwa cishinka, takabale atiina.”c Bonse fye twatimwike mu filamba!