Ku ca kumwenako, tutile wamona abanobe ba ku sukulu akatalamukila balepepa fwaka. Bushe nga mwakumana kuti bakweba ukupepako? Cinshi wingacita nga waishiba ukuti e fyo calaba? Pa Amapinda 22:3 patila: “Uwasalapuka nga amona ububi alabelama.” Nga wapita inshila imbi, ninshi waicingilila. Nga wacita ifyo ninshi tauli camwenso, lelo ninshi wacita ica mano.

14. Kuti wa-afwa shani umunobe ukutontonkanya pa co alekutunka ukucita?

¹⁴ Limo kuti walanda ifingalenga umunobe atontonkanyapo pa fyo alecita. Lelo taufwile ukulanda ifya kumukalifya. Ku ca kumwenako, nga ca kutila umwana we sukulu munobe akutambika fwaka, kuti watila, “Awe nshilefwaya,” e lyo walundapo ukuti, “Nalemona kwati ifi iwe wacenjela teti upeepe fwaka!” Bushe wamona ifyo wingamwafwa ukutontokanya pa co acita? Ukucila ukutendeka ukumulondolwela ico ushipeepela fwaka, kuti wa-afwa umunobe ukutontonkanya pa co apeepela.a