Mu 1936, Yousef Rahhal, Nte umwina Lebanon uwaikele mu United States of America imyaka iingi alibwelele ku Lebanon ku kutandala. Aishile ne fisoselo ne filimba fya maseleti fibili. Twabikile ifi fintu muli Ford motoka wa 1931 no kwendauka mu Lebanon monse na mu Syria, ukutwala ubukombe bwa Bufumu ku ncende sha mu mishi. Amashiwi yaleumfwika na ku bali ukutali amakilomita 10. Abantu balenina pa mitenge ya mayanda yabo ku kumfwa amashiwi baleti yalefuma ku muulu. Abali mu mabala balesha imilimo yabo no kupalama pa kuti bakutike.

[Icikope pe bula 24]

Na motoka wa fisoselo mu Mpili sha Lebanon, 1940