Watchtower LAIBRARE YA PA INTANETI

Kaaneni Satana Kaseebanya ne Micenjelo Yakwe

“Ikalilileni mu Kutemwa kwa kwa Lesa”
- Mulenonkelamo mu fyo Yehova atwafwa nga natulwala
  
  17. Mucenjelo nshi uo Satana engabomfya pa kuti anenune umulwele?
  
  ¹⁷ Satana tatubelelekela fye ku fya kuleseshamo icitendwe, lelo na mu nshila tundapilwamo. Acita shani? Nga ca kuti ubulwele ubo Umwina Kristu alwele tabulepola nangu anwe shani umuti, kuti alamona kwati takapole. (Marko 5:25, 26) Ico kuti calenga Satana ne fibanda fyakwe fyakwata apa kutendekela ukunasha icitetekelo cakwe. Umwina Kristu nga napelelwa, ifibanda kuti fyamutunka ukuya mu kufwaya imiti kuba “finjelengwe,” nelyo ku bapupa imipashi. (Esaya 1:13) Nga ca kutila uyu mucenjelo wa fibanda wabomba, bucibusa ubo uyu Mwina Kristu akwata na Lesa kuti bwabwelela pa nshi. Mu nshila nshi?
  
  18. Kundapa nshi uko Umwina Kristu alingile ukukaana, kabili cinshi alingile ukukanina?
  
  ¹⁸ Yehova asokele abena Israele abalecita “ifinjelengwe” ati: “Ilyo mufungulula amaboko yenu, ndafisa amenso yandi kuli imwe. Nangu ca kuti mulafusha amapepo yenu, ine nshumfwa.” (Esaya 1: 15) Kwena tatufwaya ukucita icingacilikila amapepo yesu no kulenga Yehova aleka ukutwafwa, maka maka ilyo tulelwala. (Amalumbo 41:3) E ico nga kuli icalanga ukuti inshila imo iya kundapilwamo nelyo iya kusangilamo ico umuntu alwele muli ifya fibanda, Umwina Kristu wa cine afwile ukutalukako ku fya musango uyu.b (Mateo 6:13) Nga acite fyo ninshi Yehova akalamwafwa.—Moneni akabokoshi akaleti “Bushe Ukucita Ifi Nako Kupupa Imipashi?”
  BUSHE UKUCITA IFI NAKO KUPUPA IMIPASHI?
  
  Amashiwi ya kwa Lesa ayatutungulula: “Imicitile ya muntu umubembu yalishibikwa bwino bwino, ni yi, . . . ukupupa imipashi, . . . ifyakaniko, amalekano . . . Abalecita ifyaba ifi tabakengile mu bufumu bwa kwa Lesa.”—Abena Galatia 5:19-21.
  
  Amepusho yamo yamo ayo mwingaipusha
  
  Bushe kwaliba intambi shimo isho nkonka ishilanga ukuti ndacita ifyaba mu kupepa kwa bufi?—2 Abena Korinti 6:16, 17.
  
  Bushe kwalibako fimo ifyo momfya ifyakuma ukupupa imipashi?—Imilimo 19:19.
  
  Bushe mu musango wa kundapwa uo mfwaya mwaliba ifinjelengwe nelyo amaka ya fibanda?—Ubwina Lebi 19:26.

Kaaneni Satana Kaseebanya ne Micenjelo Yakwe

“Ikalilileni mu Kutemwa kwa kwa Lesa”
- b Pa kuti mumfwilepo na fimbi, belengeni icipande icitila: ‘Ni Nshila Nshi iya Kupima Ubulwele Wingasumina?’ icaba mu Ulupungu lwa kwa Kalinda ulwa December 15, 1994, pa mabula 19 ukufika ku 22, ne cipande ca muli Loleni! ya January 8, 2001 icitila “Ukulingana Na Baibolo: Imiti ya Kundapa—Bushe Mufwile Ukusalulula?”