Ifyo Loleni! Yamupuswishe

UMWAUME wa ku Nepal alembele ukuti: “Nshalefwaya ukuba icisendo ku lupwa lwandi, e co napingwilepo ukuipaya.” Akonkanyapo ukuti: “Nalipekenye umwando no kusala incende uko nkaikulikila no bushiku. Lelo ilyo kwashele fye umulungu ukuti ubo bushiku bufike, napokelele Loleni! wa March 8, 2000.”

Iyi magazini yakwete ifipande fyalelanda pa kuipaya. Uyu mwaume alembele ukuti: “Nakabile ukukosa pa kuti mbule fye ilya magazini no kubelenga. Ubulondoloshi bwalimo pa fintu 10 ifingalenga umuntu ukufwaya ukuipaya bwanengele mbweshemo umutima.” Asondwelele ukuti: “Ndetasha nga nshi pa fyo mwancitila. Umulimo wenu uwa kulemba ici cipande walimpususha!”

Fingi filenga ukuti impendwa ya baipaya ilekulilako pali lelo. Umulandu umo kukanaishiba ico twabela pano calo. Broshuwa wa Cinshi Caba Imifwaile ya Bumi? Ni Shani Fintu Wingaisanga? alyafwa abengi ukutesekesha ukuti ubumi ku ntanshi bukawama. Nga mulefwaya ukukwatako uyu broshuwa isushisheni akapepala kali pe samba no kutuma ku keyala kali pa kapepala nelyo ku keyala kalinga akali pe bula 5 ilya uno magazini.

□ Ntumineniko broshuwa wa Cinshi Caba Imifwaile ya Bumi? Ni Shani Fintu Wingaisanga?

Ululimi.

□ Mukwai na ine kuti bantandalilako pa kuti nkatendeke ukusambilila Baibolo ukwabula ukulipila.