Muli uyu musumba ne ncende yashingulwikeko mwali amatempele ya kwa Baali na Dagan.b Muli aya matempele yalulubala, napamo ayalepele bamita 20, mwali ubwingililo bwaletungulula ku muputule wa mu kati umwali icimpashanya ca kwa lesa. Amatabo yaletwala pa muulu apali icisebele apo imfumu yaleangalila imitebeto yapusanapusana. Ubushiku nelyo ilyo kuli inkuuka, napamo balebika amalaiti pa muulu wa aya matempele pa kutungulula ingalaba ukuti shifike umutende ku cabu. Bakensha wa ngalaba abaleti ico balebwelela umutende ni co lesa waleangalila ifikuuku fya mwela Baal-Hadad alibaafwile, ukwabula no kutwishika baletuula amalambo ya milapo ku nanga 17 ishali mu muputule mwali icipailo ca kwa uyu lesa.