-
Icine pa Malele no BuloshiBushe Mwalisanga Inshila Iitwala ku Mweo wa Muyayaya?
-
-
4. Cinshi abengi basumina pa ndoshi, kabili cinshi bamo abali indoshi balanda?
4 Icapalana sana na malele buloshi. Batunga ukuti indoshi shilasha imibili yashiko ubushiku no kupupuka, nampo nga kufwaya ukukumana ne ndoshi shimbi nelyo ukwipaya abantu shisansa. Apo imibili ya ndoshi ilashala nailaala pa busanshi, abantu abali kale indoshi abaleyebelela ilingi e bashinina ukuti aya malyashi ya cine. Ku ca kumwenako, magazini imo iya mu Afrika yalimo amashiwi yalandilwe na bantu abali kale indoshi (abengi bali bakashana) abatile: “Naipeye abantu 150 ku busanso bwa pa misebo ubwa bamotoka.” Naipaya abana banono basano pa konka umulopa wabo.” “Naipeye abalumendo batatu pantu balinkeene.”
-
-
Icine pa Malele no BuloshiBushe Mwalisanga Inshila Iitwala ku Mweo wa Muyayaya?
-
-
10. Cinshi abantu balanda pa ndoshi, kabili twaishiba shani ukuti ubu bufi?
10 Ubufi bwalenga bubili ubo Satana abepa ni ubu: Indoshi shilasha imibili ya shiko no kwenda ubushiku ku kukumanya indoshi shimbi nelyo kwipaya nangu ukulya abantu shasansa. Nomba ipusheni ati: ‘Nga indoshi kuti shacita ico, cinshi kanshi cifuma mu mubili?’ Nge fyo tumwene, umweo e muntu, te cintu icingafuma mu muntu. Kabili, umupashi maka ya bumi ayapeela amaka ku mubili lelo ayashingacita nangu cimo ukwabula umubili.
Abaloshi tabasha imibili yabo
11. Twaishiba shani ukuti indoshi tashisha imibili ya shiko, kabili bushe mwalisumina ici?
11 Fyonse umweo no umupashi teti fifume mu mubili no kucita cintu nelyo cimo, nampo nga cibi nelyo cisuma. E co indoshi tashisha imibili ya shiko. Tashicita ifintu ifyo shitunga nelyo ifyo shitontonkanya ukuti shilacita.
12. Bushe Satana alenga shani abantu ukusumina ukuti balicita ifintu fimo nangu ca kuti tabacita ifyo fintu?
12 Kuti twalondolola shani filya bamo abatila bali indoshi bashimika? Satana kuti alenga shani abantu ukusumina ukuti ifintu fimo fyalibacitikila nangu ca kuti tafyabacitikila? Pa kubomfya ifimonwa, Satana kuti alenga abantu ukwelenganya ukuti balimona, ukumfwa, nelyo ukucita ifintu nangu ca kuti tababala abaficita. Pa kucite fi, Satana enekela ukwalula abantu ukufuma kuli Yehova no kubalenga ukutontonkanya ukutila mu Baibolo mwaba ifilubo.
-