Icipapwa ca Bubili

Pa mpela ya kulongana kwa lucelo pali Cisano abasangilwe ku kulongana balipapile icine cine ilyo munyinefwe Geoffrey Jackson uwaba mwi Bumba Litungulula ilya Nte sha kwa Yehova abilishe ukuti Baibolo ya New World Translation of the Holy Scriptures mu lulimi lwa bena Georgia naifuma.b

Kwali na cimbi icalengele ukuti Inte sha kwa Yehova mu Georgia baleibukisha sana kulya kulongana ukwali ku Marneuli. Pali kulya kulongana pasangilwe na munyinefwe uwaba mwi Bumba Litungulula ilya Nte sha kwa Yehova. Bonse fye abasangilwe pali kulya kulongana bali ne nsansa sana ica kuti bamunyinefwe na bankashi bonse balefwaisha ukumuposha nge fyo baposha mu lutambi lwabo. Munyinefwe Jackson aiminine ama-awala ayengi ukulaposha bamunyinefwe na bankashi ilyo ukulongana kushilatendeka, pa kutuusha, e lyo na pa mpela ya kulongana pene, lelo nangu cali ifyo, baJackson tabailishenye.