• “Kabiyeni, mu Kulenga . . . Abasambi”
    Ukulabila Sana pa Bufumu bwa kwa Lesa

    • Ica Kutwafwa Ukusambilila Baibolo

      16. Bufwayo nshi butatu ubwa cino citabo?

      16 Bufwayo nshi ubukalamba ubwa ici citabo? Ubufwayo butatu ubwa ici citabo ni ubu (1) ukutulenga ukusumina sana ukuti Yehova ukupitila mu mupashi wakwe uwa mushilo aletungilila umulimo wa kushimikila pa Bufumu no kulenga abantu ukuba abasambi, (2) ukutulenga ukuba abacincila mu mulimo ilyo twasambilila pa ca kumwenako ca bakonshi ba kwa Kristu aba kubalilapo, na (3) ukutulenga ukucindika sana ukuteyanya kwa kwa Yehova no kucindika abaletungulula mu mulimo wa kushimikila no kwangalila ifilonganino.

  • “Kabiyeni, mu Kulenga . . . Abasambi”
    Ukulabila Sana pa Bufumu bwa kwa Lesa
    • Munyinefwe alelanga abaupana ukwa kuyabila imbila nsuma mu cifulo babapeela.

      Ilyo mulebomba mu cifulo mwapeelwa ukushimikilamo, muleibukisha ukuti inshita isheleko naicepa nga nshi

      19. Kuiceceta nshi uko tufwile ukulaiceceta mu nshita mu nshita?

      19 Cino citabo kuti camwafwa ukuiceceta. Te mulandu ne myaka mwabomba nga kasabankanya wa Bufumu, mu nshita mu nshita caliwama ukubala mwatontonkanya pa fyo mwacindamika mu bumi bwenu ne fyo mumona umulimo wa Bwina Kristu. (2 Kor. 13:5) Ipusheni amuti: ‘Bushe ncili ndamona ukuti umulimo wa kushimikila uli uwe pamfya sana? (1 Kor. 7:29-31) Bushe ilyo ndeshimikila abantu imbila nsuma ndashininwa no kuba uwacincila? (1 Tes. 1:5, 6) Bushe ndabomba no mweo onse umulimo wa kushimikila no kulenga abantu ukuba abasambi?’—Kol. 3:23.

      20, 21. Mulandu nshi umulimo twatumwa ukubomba ubelele uwe pamfya nga nshi, kabili cinshi tufwile ukufwaisha ukulacita?

      20 Natuleibukisha lyonse ukuti twalitumwa ukubomba umulimo wacindama, e kutila umulimo wa kushimikila no kupanga abasambi. Ilyo ubushiku bumo bwapita, uyu mulimo ulecililako ukuba uwe pamfya. Impela ya cino calo ilepalama lubilo lubilo. Abantu abengi nga nshi bali mu busanso bwa kwisafwa ukucila ne fyo cali kale. Tatwishibe ubwingi bwa bafwaya ukupusuka abengapokelela imbila nsuma tushimikila. (Imil. 13:48) Lelo mulimo wesu ukwafwa aba musango yo ilyo inshita ishilapwa.—1 Tim. 4:16.

      21 E ico kanshi, nacicindama ukuti tupashanye bakashimikila bacincila aba Bufumu aba kubalilapo. Ilyo mulebelenga cino citabo, shi nacimulenge ukushimikila no kucincila sana no kushipa. Kabili shi nacimukoshe ukutwalilila ukulabila sana pa Bufumu bwa kwa Lesa.—Imil. 28:23.