• Bushe Ifya Mweo Fyaishilebako Shani?
    Kuti Mwaba ne Nsansa Umuyayaya!—Icitabo ca Kusambililamo Baibolo

    • 3. Cinshi calenga ukuti fwe bantu tupusaneko ne nama?

      Ilyo Yehova apangile isonde alibikilemo ifya mweo. Abalilepo ukubikamo ifimenwa, e lyo ne nama. Lyena, “Lesa abumbile umuntu mu cipasho cakwe.” (Belengeni Ukutendeka 1:27.) Cinshi calenga ukuti fwe bantu tupusaneko ne nama? Apo twabumbilwe mu cipasho ca kwa Lesa, kuti twalanga imibele iyo Lesa aba nayo pamo nga ukutemwa e lyo no mulinganya. Na kabili atubumbile mu nshila ya kuti tulesambilila indimi, tulekumbwa ifintu ifisuma, no kulaipakisha inyimbo. Kabili ukupusanako ne nama iili yonse, ifwe kuti twapepa Kabumba wesu.

  • Bushe Ifya Mweo Fyaishilebako Shani?
    Kuti Mwaba ne Nsansa Umuyayaya!—Icitabo ca Kusambililamo Baibolo

    • 5. Ifyo Baibo ilanda pa bubumbo fya cine

      Mu Ukutendeka icipandwa 1, Baibo yalilondolola ifyo cali pa kuti isonde ne fya mweo fyonse ifyabamo fibeko. Bushe kuti mwacetekela ukuti ifyaba muli ici icipandwa fya cine nelyo kuti mwatila lyashi lya bufi fye? Tambeni VIDIO, lyena lanshanyeni amepusho yakonkapo.

      VIDIO: Bushe Kwali Uwabumbile Umuulu ne Sonde?—Iyo Baipifya (3:51)

      Ifikope: Ifikope ififumine muli vidio itila ‘Bushe Kwali Uwabumbile Umuulu ne Sonde?—Iyo Baipifya.’ 1. Ifyo umuntu uuli pe sonde engamona inshiku 6 isho Yehova abumbilemo ifintu. 2. Ifyo isonde lyali pa numa ya bushiku bwalenga 6 ninshi akasuba nakabalika, pali umushili uwauma, pali amenshi, ifimenwa, ifyuni inama sha ku mulundu e lyo na bantu.

      • Bushe Baibo isambilisha ukuti isonde ne fya mweo fyonse ifyabamo fyabumbilwe mu nshiku 6 isha ma-awala 24?

      • Bushe mulemona ukuti ifyo Baibo ilanda pa bubumbo fya cine kabili kuti twaficetekela? Cinshi mwa-asukile fyo?

      Belengeni Ukutendeka 1:1, lyena lanshanyeni ici cipusho:

      • Abasambilila ifya sayansi batila umuulu ne sonde fyalikwata apo fyatendekele. Bushe ifi balanda fyapalana shani ne fyo twabelenga mu Baibo?

      Abantu bamo batontonkanya ukuti nalimo Lesa apangile fye ulusandesande lumo, e lyo lwasangukila mu fya mweo ifyalekanalekana. Belengeni Ukutendeka 1:21, 25, 27, lyena lanshanyeni aya mepusho:

      • Bushe Baibo isambilisha ukuti Lesa apangile fye ulusandesande lumo e lyo lwatendeka ukulasangukila mwi sabi, mu nama, e lyo na mu bantu? Nelyo bushe apangile ifya mweo fyonse mu “misango” yafiko?