• Ifyacitika mu Myaka 100 iyo Ubufumu Bwateka!
    Ulupungu—2015 | November 15

    • 2. Bushe abaumfwileko ilyo Yesu alepeela ifunde ilyaba pali Mateo 28:19, 20 bali banga, kabili mulandu nshi twalandile ifyo?

      2 Ilyo papitile fye inshiku ishinono ukutula apo Yesu abuushiwe, alimoneke ku bantu ukucila pali 500. (1 Abena Korinti 15:6) Nalimo iyi, yali e nshita Yesu abapeele ifunde lya kuti balebila imbila nsuma ku bantu “aba nko shonse.” Uyu mulimo tawayangwike.a (Moneni futunoti.) Abebele ukuti umulimo wa kubila imbila nsuma ukatwalilila ukubombwa mpaka “na ku mpela ya calo.” Nga mulebombako umulimo wa kubila imbila nsuma, ninshi mulefikilishako ifyo Yesu alandile.—Mateo 28:19, 20.

  • Ifyacitika mu Myaka 100 iyo Ubufumu Bwateka!
    Ulupungu—2015 | November 15

    • a Cimoneka kwati abengi muli lilya ibumba balishileba Abena Kristu. Cinshi twalandila ifi? Pantu umutumwa Paulo abetile ati ‘aba bwananyina 500.’ Alandile no kuti: “Abengi pali aba na nomba e po bacili, lelo bamo balifwa.” Kanshi cimoneka kwati Paulo na Bena Kristu bambi balishibe abengi pali balya 500 abaumfwileko ilyo Yesu apeele ifunde lya kushimikila.