Ulwimbo 49
Yehova Cubo Cesu
Ifimoneka Ulwapulintwa
1. Yehova cubo cesu,
Co twacetekela.
Mu cintelelwe cakwe
E mo tukekala.
Pantu’a katucingilila
Kuli fyonse ifyabipa.
Yehova e bucingo,
Kuli bonse abafuuka.
2. Makana nangu bawe
Ku lubali lobe.
Iwe na ba cishinka
Mukacingililwa.
Takuli co ukatiina
Pantu takwakabe fibi.
Ukaba mu mapindo
Aya kwa Yehova Lesa.
3. Yehova ‘kakucinga
Ku masanso yonse,
Tawakapulumpunte,
Umwenso ukapwa.
Tawakatiine nkalamo;
Ukanyanta na pa nsoka.
Yehova cubo cesu,
Alatucingilila pe.
(Moneni na Amalu. 97:10; 121:3, 5; Esa. 52:12.)