Icitabo ca kwa Lesa Calicindama

1. Kwabe citabo icacindamisha,

Ciletela abantu insansa.

Mwabe fyebo ifyakwata amaka;

Filenga “impofu” ukumona.

Ico icitabo ni Baibolo;

Mwaba mashiwi ya kwa Yehova.

Calembelwe na batemenwe Lesa,

Umupashi e wababomfeshe.

2. Balembele pa fyo Lesa bumbile,

Ifyo abumbile fya mu muulu.

Ne fyo muntu ashali no lubembu,

Ne fyo Paradaise yalobele.

Balembele na pali malaika

Wapondokele Yehova Lesa,

No kulenga abantu kubembuka,

Ne fyo Yehova kawamye fintu.

3. Ino ni nshita ya kusekelela;

Umwana wa kwa Lesa ni Mfumu.

Natubile imbila ya Bufumu,

Na mapaalo Lesa katupeela.

Imbila nsuma iyaba mu Baibo;

Yaba nge fya kulya fyawamisha

Ilalenga tukwate umutende;

Kanshi tulebelengamo lyonse.