Lesa Alitulanga Ifya Kutemwa Abantu

1. Yehova Lesa alitulange fyo

Atemwa abantu.

Mu fyo acita alalangilila

Ifya kuba no kutemwa.

Alitupeela Umwana atemwa

Uwalubwile fwe bantunse ku mfwa.

Takwabo muntu walango kutemwa

Ukwacila ukwa kwa Lesa.

2. Nga twatemwana na bamunyinefwe,

Tukabe fibusa.

Tukalabafwa mu fyo bashikwete,

No kwafwako ifibusa.

Nga ca kutila twalitemwa Lesa,

Tukatemwana na ba bwananyina.

Tukabeleela ne filubo fyabo;

Bakamona ’fyo twabatemwa.

3. Ukutemwana e kutwikatanya

Capamo ngo lupwa.

Lesa aleti: “Iseni mumone

Kwikatana ukwa cine.”

Yehova ’bomfya umupashi wakwe,

Ne Cebo cakwe pa kutwikatanya

Na bamunyina ne fibusa fyesu;

Cine cine Lesa kutemwa.