Ukusambilila Broshuwa wa Mulelola!

Mu filonganino fyonse ifya Nte sha kwa Yehova mwi sonde lyonse tukalasambilila broshuwa wa Mulelola! pa kulongana kwe Sambililo lya Citabo, ukutendeka mu mulungu wa May 23 ukufika pa June 20, 2005. Mukwai bomfyeni amepusho yakonkapo ilyo mulepekanya isambililo na lintu muletungulula. Lintu mulesambilila uyu broshuwa, belengeni ifyebo fyapulintwa, kabili belengeni na malembo ayalimo ayashambwilwe nge nshita iciliko.

Umulungu wa May 23

◼ Amabula 3-4: Fintu nshi fimo ifili pali aya mabula ifyo mwapitamo? Finshi filemulangilila ukutila ifi balelandapo tafyaba fye mu ncende imo lelo mwi sonde lyonse?

◼ Ibula 5: Cinshi mwishibilako ukutila cine cine Lesa alyangwako ku bantu? Tukalanga shani ukuti twalyangwako kuli Lesa na ku fyo alecita?

◼ Amabula 6-8: Cinshi Mateo 24:1-8, 14 ilanda pa bupilibulo bwa filecitika pali ino nshita? Nga filya 2 Timote 3:1-5 ilangilila, tuleikala mu nshita nshi? Shino ni nshiku sha kulekelesha isha cinshi? Cinshi cimushinina ukutila cine cine Baibolo Cebo ca kwa Lesa? Ubufumu buntu tushimikila abantu cinshi?

◼ Amabula 9-10: Mulandu nshi cacindamina ukutontonkanya sana pa fyo tupingula pa fintu cila bushiku ne fyo twacindamika mu bumi bwesu? (Rom. 2:6; Gal. 6:7) Ilyo mulepituluka mu mepusho yali pe bula 10, malembo nshi muleibukisha ayengamwafwa?

Umulungu wa May 30

◼ Ibula 11: Mulandu nshi tufwile ukutontonkanishisha pa mepusho yali pali ili bula? (1 Kor. 10:12; Efes. 6:10-18) Bushe amasuko yesu kuli aya mepusho yalanga ukuti twalicindamika ukufunda kwa kwa Yesu ukusangwa pali Mateo 24:44?

◼ Amabula 12-14: “Inshita ya bupingushi” iyalandwapo pa Ukusokolola 14:6, 7 cinshi? Cipilibula cinshi ‘ukutiina Lesa no kumucindika’? Babiloni Mukalamba cinshi kabili cinshi icikamucitikila? Cinshi tulingile ukucita nomba ukulosha kuli uyu Babiloni Mukalamba? Finshi fimbi ifyasanshiwa mu nshita ya bupingushi iyasobelwe? Busuma nshi bwaba mu kukanaishiba “ubushiku nangu ni nshita” lintu Lesa akaleta ubupingushi ubwasobelwe? (Mat. 25:13)

◼ Ibula 15: Umulandu uwa bumulopwe cinshi, kabili watukuma shani ifwe umo umo?

◼ Amabula 16-19: “Imyulu ipya ne calo cipya” cinshi? (2 Pet. 3:13) Nani uwalaile ifi fintu? Kwaluka nshi imyulu ipya ne sonde lipya fikaleta? Bushe na ifwe tukanonkelamo muli uku kwaluka?

Umulungu wa June 6

◼ Amabula 20-1: Kusoka nshi pa lwa kufulumuka uko Yesu apeele abasambi bakwe aba kubalilapo? (Luka 21:20, 21) Ni lilali balekabila ukufulumuka? Mulandu nshi balekabila ukufulumuka bwangu ukwabula ukupoosa inshita? (Mat. 24:16-18, 21) Cinshi cilenga abantu abengi ukusuula ukusoka? Ukumfwila ukusoka kwa cine cine kwapuswishe shani abantu abengi aba ku China na ku Philippines? Mulandu nshi cicililepo ukuba ice pamfya ukumfwila ukusoka kwa Baibolo ukwa mpela ya buno bwikashi? Pa mulandu wa kupamfya kwa nshita twikelemo, mulimo nshi tukwete? (Amapi. 24:11, 12)

◼ Amabula 22-3: Mu Australia mu mwaka wa 1974 na mu calo ca Colombia mu 1985, mulandu nshi abengi basuulile ukusoka ukwapeelwe pa bonaushi bwasungamine, kabili finshi fyafuminemo mu kukanaumfwila kulya kusoka? Amuba kuli ilya ncende nga mwacitile shani pali kulya kusoka kabili mulandu nshi? Cinshi nalimo icingalanga ukutila atubako mu nshiku sha kwa Noa na ifwe nga twalyumfwilile ukusoka kwapeelwe? Cinshi calengele ukutila abantu bekale mu Sodomu nelyo mupepi na Sodomu? Tunonkelamo shani nga twatontonkanya sana pa fyacitike mu Sodomu?

Umulungu wa June 13

◼ Amabula 24-7: Bomfyeni “Amepusho ya kwafwa Ukusambilila” ayali pe bula 27.

Umulungu wa June 20

◼ Amabula 28-31: Bomfyeni “Amepusho ya kwafwa Ukusambilila” ayali pe bula 31.

Ukusambilila uyu broshuwa kukatwafwa ukuba ‘abalola’ no kuba abaiteyanya. Shi natulange ilyo tuleshimikila abantu ukutila tulomfwila ukusoka kwe pamfya ukwa kwa malaika ukwa kutila: “Tiineni Lesa no kumucindika, pantu yaisa inshita ya bupingushi bwakwe.”—Mat. 24:42, 44; Ukus. 14:7.