Twalibombeshe Nga Nshi mu March

Lipoti ya mweshi wa March ukwabula ukutwishika naitusansamusha nga nshi! Tuletasha Yehova pa kutupaala atupaalile kabili pa kulenga ifintu ukukula. (1 Kor. 3:6, 7) Mwalatemwa ukumfwa iyi lipoti yapulilemo:

◼ Impendwa ya Bakasabankanya mu March twali 145,801. Iyi mpendwa naicila iyo twakwete mu April, 2006. Napalundwa bakasabankanya 5,598.

◼ Bapainiya ba nshita yonse mu April umwaka wapwile baali 10,538 nomba uno mwaka mu March baali 10,655.

◼ Amaawala yonse yali 2,383,542. Impendwa iikalamba iya maawala yaali 2,379,781 mu April 2006.

◼ Bamagazini twashalike 786,129. Iyi mpendwa naicila iyo twakwete mu March 2006. Napalundwa bamagazini 118,536.

◼ Ifitabo ifyo twashalike na fyo fyali ifingi, ukufuma pali 29,097 mu January umwaka wapwile, nomba mu March fyali 45,770.

◼ Ifipempu fya kubwelelamo mu March uno mwaka fyali 1,452,794. Icipendo ca pa muulu icalekelesheko cali 1,406,274 mu April umwaka wapwile.

◼ Amasambililo ya Baibolo yali 236,899. Ici cipendo na cimbi ica pa muulu muli uno mwaka wa mulimo kabili 5,479 e yacilile pa mpendwa ya mu April umwaka wapwile.

Pali ino nshita abantu ba kwa Yehova balemubombela nga nshi ne cishinka kabili bali abacincila pantu tabaleka ukulanda pali bumulopwe bwa kwa Yehova. Shi impendwa ya balelumbanya Yehova itwalilile ukulakuula ilyo imilimo yakwe iikalamba iletwalilila ukwishibikwa.–Amalu. 145:10-12.