Muletemwana Nga Nshi ne Mitima Yenu Yonse

1. Ukutemwa kwesu bonse,

Kulefuma ku mutima;

Kuletulengo kutemwa

Aba bwananyina.

Nga tulepashanya Lesa,

Tukalafwaya inshila

Sha kulangilamo bambi

Ifyo twabatemwa.

Pa kulango kutemwa,

Natuleba bakapekape,

Tulecite fisuma

Inshita ili yonse.

Nga tulecindika bambi

No kuba aba cikuuku

Tatwakakushe filubo,

Ifya bamunyinefwe,

E lyo tukekatana.

2. Nga ca kuti ukutemwa

Kwesu kuli ukwa cine,

Tukacetekela bonse

Aba bwananyina.

Tukabe fibusa fyabo,

Tukalaumfwana na bo,

Tukalalongana pamo,

No kulakoshanya.

Apo tulalufyanya;

Kuti twakalifya banensu.

Lelo nga tuletemwa

Abo Yehova ’temwa,

Tukabe fibusa fyabo,

Ifyabulo kutwishika.

E co tube no kutemwa,

Tulepashanya Lesa,

No kulamucindika.