ICIPUSHO NA. 1
Bushe Lesa Nani?
“Pa kuti abantu beshibe ukuti imwe mweka, mwe bakwata ishina lya kuti Yehova, Ni mwe Mwapulamo pano isonde ponse.”
“Ishibeni ukuti Yehova e Lesa. E watupangile, tatwaipangile fye iyo. Tuli bantu bakwe.”
“Nine Yehova. Ilyo e shina lyandi; nshakapeele ubukata bwandi kuli umbi, nangu amalumbo yandi ku fimpashanya ifyabaswa.”
“Onse uwalilila kwi shina lya kwa Yehova akapusuka.”
“Ca cine, ing’anda yonse muntu akuula, lelo uwapangile ifintu fyonse ni Lesa.”
“Lolesheni mu muulu no kumona. Nani uwalengele intanda ishi? Ni uyo uutungulula ibumba lya shiko mu mpendwa, shonse alashita amashina. Pa mulandu wa kufula kwa bukose bwakwe, kabili aba na maka ayengi, tapabulila nangu lumo.”