ICIPUSHO NA. 5
Bukombe nshi ubwaba mu Baibolo?
“Ndebika no bulwani pali iwe no mwanakashi, na pa mwana obe no mwana wakwe. Ena akakufwanta ku mutwe nobe ukamusuma ku citende.”
“Mu mwana obe e mo inko shonse isha pe sonde shikaimwena amapaalo pa mulandu wa kuti naumfwa kwi shiwi lyandi.”
“Ubufumu bwenu bwise. Ukufwaya kwenu kucitwe pano isonde nga mu muulu.”
“Awe Lesa uupeela umutende akashonawila Satana mwi samba lya makasa yenu nomba line.”
“Ilyo fyonse fikalengwa ukunakila ena, e lyo no Mwana wine akainashisha ku Walengele fyonse ukunakila ena, pa kuti Lesa akabe fyonse kuli bonse.”
“Awe ifilayo fyalailwe kuli Abrahamu na ku mwana wakwe. . . , uyo e Kristu. Kabili, nga ca kutila muli ba kwa Kristu, ninshi cine cine muli bana ba kwa Abrahamu.”
“Ubufumu bwa calo nomba bwaba bufumu bwa kwa Shikulwifwe no bwa kwa Kristu wakwe, kabili akateka umuyayaya.”
“E fyo icing’wena cikalamba capooselwe pa nshi, icisoka ca pa kutendeka, iciitwa Kaseebanya kabili Satana, icilufya aba pano isonde bonse; capooselwe pe sonde, na bamalaika ba ciko bapooselwe pamo na co.”
“Aikete icing’wena, icisoka ca pa kutendeka, e kutila Kaseebanya kabili Satana, no kucikaka imyaka ikana limo (1,000).”