Icitabo ca kwa Lesa Calicindama

1. Kwabe citabo icacindamisha,

Iciletela ‘bantu insansa.

Ifyebo fyabamo

fyaba na maka;

Filenga “impofu” ukumona.

Ico icitabo ni Baibolo;

Mwaba mashiwi ya kwa Yehova.

Calembelwe na

batemenwe Lesa,

Umupashi e wababomfeshe.

2. Balembele pa fyo Lesa ‘bumbile,

Ifyo abumbile ‘fya mu muulu.

Ne fyo muntu ashali no lubembu,

Ne fyo Paradaise yalobele.

Balembele na pali malaika,

Wasonsombele Yehova Lesa,

No kulenga abantu ‘kubembuka,

Ne fyo Yehova ‘kawamye fintu.

3. Lelo twikala mu nshiku sha nsansa,

Pantu Kristu nomba aleteka,

Na Yehova ‘lepususha abantu

Bonse abacite fyo afwaya.

Iyi mbila nsuma yaba mu Baibo;

Yaba nge fya kulya fyawamisha,

Ilalenga tukwate umutende;

Kanshi tulebelengamo lyonse.