Ukulongana kwa mu Mulungu wa February 17

UMULUNGU WA FEBRUARY 17

Ulwimbo 15 ne Pepo

□ Isambililo lya Baibolo Ilya pa Cilonganino:

cl icipa. 3 amapara. 1-10 (30 min.)

□ Isukulu lya Butumikishi Ilya Bulesa:

Ukubelenga Baibolo: Ukutendeka 29-31 (10 min.)

Na. 1: Ukutendeka 29:21-35 (4 min. nelyo ukucepako)

Na. 2: Amapaalo Abakabuushiwa ku Kwikala pe Sonde Bakakwata—rs ibu. 301 para. 1–ibu. 302 para. 1 (5 min.)

Na. 3: Abiatari—Ukubulwa Bucishinka pa Cintu fye Cimo Kuti Kwalenga Imyaka Twabombela Lesa Ukuya fye nga mu Menshi—w05 7/1 amabu. 29-30 para. 5 (5 min.)

□ Ukulongana kwa Mulimo:

Ulwimbo 92

10 min: Mulelanga Bucibusa Ilyo Muleshimikila. Ukulanshanya ifyebo fyaba mu citabo ca Nonkelenimo, ibula 118, paragrafu 1, ukushinta kwi bula 119, paragrafu 5.

5 min: Bushe Mulabomfya Webu Saiti ya jw.org Ilyo Muleshimikila? Ukulanshanya. Ebeni abali mwi bumba balande ifisuma ifyabacitikiile ilyo babomfeshe Webu saiti yesu iya jw.org pa kushimikila. Pa kusondwelela, koselesheni bonse ukulaeba abantu ukuti twalikwata adresi pa Intaneti. Nga tapali abakwete ifya kushimika, lanshanyeni icipande citila, “Ifyebo Tubika pa Intaneti—Mulefibomfya Ilyo Muleshimikila” mu Ubutumikishi Bwesu Ubwa Bufumu ubwa December 2012.

15 min: “Mukabombeshe mu Nshita ya Cibukisho.” Ifipusho ne fyasuko. Ebeni bamo abalwalilila nelyo abakwata ifya kucita ifingi abalepanga ukubombako bupainiya bwa kwafwilisha ukuti balande ifyo batantike ukubomba. Ilyo mulelanshanya paragrafu 3, ebeni kangalila wa mulimo alande ifyo baeluda batantike ukukumana kwa mulimo wa mwi bala mu March, April, na May.

Ulwimbo 8 ne Pepo

Mukabombeshe mu Nshita ya Cibukisho

1. Cinshi twingacita pa kuti tukabe sana ne nsansa mu nshita ya Cibukisho?

¹ Bushe kuti mwatemwa ukwisaba sana ne nsansa mu March, April na May? Cimo icingamulenga ukwisaba sana ne nsansa kubombesha mu mulimo wa kushimikila. E lyo nga kuti mwakumanisha, kuti mwabombako bupainiya bwa kwafwilisha muli iyi myeshi. Cinshi cikalenga ukuti mukabe sana ne nsansa nga mwabombesha muli iyi myeshi?

2. Mulandu nshi twingalandila ukuti nga tulebombesha mu mulimo wa mwi bala e lyo tukaba sana ne nsansa?

² Mukabe Sana ne Nsansa Ilyo Yehova atubumbile alefwaya ukuti tuleba ne nsansa ilyo tulemupepa. (Mat. 5:3) Kabili alefwaya ukuti tulepeela pa kuti tuleba ne nsansa. (Imil. 20:35) Ukushimikila kulatupeela ishuko lya kupepa Lesa no kwafwa abantu. Kanshi nga tuleshimikila sana e lyo tukalaba sana ne nsansa. Na kabili, nga tuleshimikila sana ninshi tukalaya tuleishibilako ifya kushimikila kabili tatwakaleba sana no mwenso. Ici cikalenga tukaleshimikila ku bantu abengi no kutendeka amasambililo ya Baibolo ayengi ica kuti tukalaumfwa bwino ukushimikila.

3. Mulandu nshi cikawamina ukubombako bupainiya bwa kwafwilisha mu March na mu April?

³ Mu March na April kukaba ishuko lya kusala nampo nga tulefwaya ukubomba bupainiya bwa kwafwilisha ubwa ma-awala 30 nelyo 50. Kanshi kuti cawama ukubombako bupainiya bwa kwafwilisha muli iyi myeshi. Na kabili, ukutendeka pa Cibelushi pa 22 March, ukufika pa 14 April tukakwata kampeni ya kwita abantu ku Cibukisho. Kanshi bakasabankanya mu filonganino bakaba sana ne nsansa pantu bakabomba “no mutima umo” pa kuti bakashimikile ku bantu abengi ababa mu cifulo icilonganino cabo cishimikilamo.—Sefa. 3:9.

4. Finshi tulingile ukucita nga tulefwaya ukubombako bupainiya bwa kwafwilisha?

⁴ Tendekeni Ukuipekanya Nomba Line: Tulemukoselesha ukumona ifyo mwingatantika inshita pa kuti mukabombeko bupainiya bwa kwafwilisha muli iyi myeshi. Mulepepelapo. (Yako. 1:5) Mule-ebako balupwa na ba mu cilonganino ifyo mulepanga ukucita. (Amapi. 15:22) Nga mwapekanya bwino kuti mwabombako bupainiya bwa kwafwilisha nangu ca kuti mwalikwata ifya kucita ifingi nelyo mulalwalilila.

5. Mulandu nshi cikawamina ukubombesha mu nshita ya Cibukisho?

⁵ Yehova afwaya ababomfi bakwe ukulabomba ne nsansa. (Amalu. 32:11) Nga twabombesha mu mulimo wa kushimikila mu nshita ya Cibukisho, tukaba sana ne nsansa kabili tukalenga Shifwe wa mu muulu ukutemwa.—Amapi. 23:24; 27:11.