Ukulongana kwa mu Mulungu wa May 27

UMULUNGU WA MAY 27

Ulwimbo 6 ne Pepo

□ Isambililo lya Baibolo Ilya pa Cilonganino:

jr icipa. 10 amapara. 1-7 (30 min.)

□ Isukulu lya Butumikishi Ilya Bulesa:

Ukubelenga Baibolo: Yohane 12-16 (10 min.)

Na. 1: Yohane 12:20–36 (4 min. nelyo ukucepako)

Na. 2: Ni Bani Babalilapo Ukunonkelamo mwi Lambo lya kwa Yesu, Kabili Mulandu Nshi?—rs ibu. 120 para. 2-3 (5 min.)

Na. 3: Mulandu Nshi Yehova Etilwa ati, “Lesa Uupeela Umutende”?—Rom. 15:33 (5 min.)

□ Ukulongana kwa Mulimo:

Ulwimbo 98

5 min: Tendekeni Amasambililo ya Baibolo pa Cibelushi ca Kubalilapo. Ilyashi. Citeni icilangililo pa fyo mwingatendeka isambililo pa Cibelushi ca kubalilapo mu June, ukubomfya icipande cili ku nkupo ya ku numa iya Ulupungu lwa kwa Kalinda. Koselesheni bonse ukubombako.

15 min: Ukutapilila Imbuto Tulimba. (1 Kor. 3:6-9) Lanshanyeni amepusho yakonkapo. (1) Finshi mutemwa sana nga mulecita ifipempu? (2) Mafya nshi bamo bakwata ilyo balecita ifipempu? (3) Finshi bengacita pa kupwisha ayo mafya? (4) Ni bani bengatwafwa ukulacita bwino ifipempu? (5) Bushe mucita shani pa kuti muleibukisha abo mwashimikiile abalefwaya ukusambilila, ifyo mwalanshenye nabo, impapulo mwabashilile e lyo ne fyebo fimbi pali abo bantu? (6) Mupekanya shani ilyo tamulabwelela kubo mwashimikiile? (7) Mulandu nshi ca cindamina ukutantikako inshita ya kulaya ku fipempu cila mulungu?

10 min: “Muleorda Impapulo Abantu Balefwaya.” Ukulanshanya. Ebeni abali mwi bumba balande ifyo banonkelamo mu kubomfya impapulo ishili shonse ishafumine mu citundu icili conse ica muno Zambia na mu citundu cabo.

Ulwimbo 101 ne Pepo

Muleorda Impapulo Abantu Balefwaya

Pa myaka iingi, mufwile mulasambilisha abantu icine ca mu Baibolo ukubomfya impapulo sha mu citundu ico abengi ababa mu cifulo mushimikila baishiba nangu ca kuti te citundu cenu e lyo bamo abo mushimikila te citundu cabo. Twalishiba ukuti umuntu alasambilila bwangu ifintu no kumfyumfwikisha nga alesambilila mu citundu cakwe. Ici e cilengele ukuti nomba tulebombesha sana ukupilibula no kupulinta impapulo mu fitundu ifingi. Bushe mulebukisha ukuordako impapulo shafumine nomba line pa kulongana kwa citungu ishili mu citundu cenu? Bushe mulaorda impapulo ishingafwa sana ababa mu cifulo mushimikila? Pano pali impapulo ishafumine nomba line mu Cibemba na mu Cimambwe-Lungu:

◻ Imbila Nsuma Ukufuma Kuli Lesa!

◻ Ni Bani Bacita Ifyo Yehova Afwaya Muno Nshiku?

◻ Mulekutika Kuli Lesa

◻ Mulekutika Kuli Lesa pa Kuti Mukekale Umuyayaya

Ilyo Mwingasungako Impapulo Shimo: Abekala mu cifulo mushimikila nalimo balalanda ifitundu fyalekanalekana ifingi, na lyo line kufwile kwaliba icitundu cimo icaseeka ico bonse balanda. Lelo ilyo muleshimikila kuti mwasanga abantu abalanda icitundu cimbi nga bali na ba lupwa lwabo nelyo abena mupalamano. Bushe mwalifwailisha pa kuti mwishibe nga kwaliba impapulo muli ico citundu? Limbi kuti mwasanga ukuti icilonganino calisungako impapulo shimo isha muli ifyo fitundu pamo nga amatrakiti, amabroshuwa yafumine nomba line, e lyo ne citabo ca Ico Baibolo Isambilisha. Bakasabankanya kuti bapeela ishi mpapulo ku bantu abalanda ifi fitundu nga babasanga.

Ifya Kuorda Impapulo: Kuti mwacita shani nga mwasanga ukuti icilonganino tacikwete impapulo mu citundu abalefwaya ukusambilila baishiba? Mufwile ukwipusha umubomfi wa fitabo nga impapulo mulefwaya e ko shaba mu citundu mulefwaya pa kuti engamuordela pali orda ya mpapulo iikakonkapo.

Kanshi natulebomfya bwino impapulo shesu ku kwafwa “abantu abalekanalekana” kabili abalanda ifitundu ifyapusanapusana pa kuti “bakapusuke no kwishiba bwino bwino icine.”—1 Tim. 2:3, 4.