Ifingatwafwa Ukulabila Bwino Imbila Nsuma—Ukuleka Ukutungulula Amasambililo ya Baibolo Ayashilunduluka

ICO CACINDAMINA: Abantu balingile ukulilila kwi shina lya kwa Yehova pa kuti bakapusuke. (Rom. 10:13, 14) Na lyo line, te bonse abo tusambilisha Baibolo abakonka ifyo ilanda. Tulingile ukubomfya bwino nshita ilyo tuli mu mulimo wa kubila imbila nsuma pa kuti twafwe abalefwaya ukwaluka no kulacita ifyo Yehova afwaya. Nga ca kuti papita inshita iikalamba ukutula apo twatendekela ukusambilisha umuntu kabili talelunduluka, kuti cawama twaleka ukumusambilisha Baibolo no kubika amano kubo Yehova alekulila mu cilonganino cakwe. (Yoh. 6:44) Mu kupita kwa nshita nga ca kuti uyu muntu alecita ifilelanga ukuti ali no ‘mutima uusuma uulefwaya umweo wa muyayaya,’ kuti twatendeka na kabili ukumusambilisha Baibolo.—Imil. 13:48.

IFYO MWINGACITA:

• Tasheni umusambi pa fyo alefwaya ukwishiba icine.—1 Tim. 2:4

• Komaileni pa fyo cacindamina ukulabomfya ifyo asambilile.—Luka 6:46-49

• Lanshanyeni nankwe icilangililo Yesu alandile ica kwa katanda kabili mwipusheni icilelenga elabomfya ifyo alesambilila.—Mat. 13:18-23.

• Mu mucenjelo mulondolweleni ico mulelekela ukumusambilisha Baibolo

• Mwebeni ukuti mwakulamutandalilako limo limo ku kumukoselesha kabili kuti mwatendeka no kumusambilisha nga ca kuti atendeka ukucita ifilelanga ukuti alelunduluka

TAMBENI VIDIO ITILA UKULEKA UKUTUNGULULA AMASAMBILILO YA BAIBOLO AYASHILUNDULUKA LYENA ASUKENI AYA MEPUSHO:

• Finshi mwasambilila ku fyo bacilanshanya ifilelanga ukuti umusambi talelunduluka mu fya kwa Lesa?

• Bushe kasabankanya acafwa shani umusambi ukwishiba ukuti alingile ukwaluka?

• Finshi kasabankanya acilanda ifyacilanga ukutila kuti atendeka ukumusambilisha na kabili?