“Tatunenuka”

4:16-18

Elenganyeni ukuti indupwa shibili shikala mu mayanda ayaonaika. Ulupwa lumo lwalipelelwa kabili talwaba ne nsansa. Nomba ulupwa lumbi lwena lwaliba ne nsansa. Mulandu nshi? Pantu ulu lupwa luli no kukuukila mu ng’anda iisuma iipya.

Nangu ca kuti “ifibumbwa fyonse fitetela capamo no kucululukila capamo ukufika kuli nomba,” ababomfi ba kwa Lesa bena balikwata isubilo ililenga baleshipikisha. (Rom. 8:22) Twalishiba ukuti amafya tukwata, nangu mafya ayatucusha pa myaka iingi, ya ‘pa kashita fye kabili yalyanguka’ nga twayalinganya ku fyo tukalaikala mu calo cipya ica kwa Lesa. Nga tuletontonkanya pa mapaalo Ubufumu bukaleta, tukalaba ne nsansa kabili tatwakanenuke.