Muleipusha Amepusho

Mateo 16:13-16

IFILI MULI ILI ISAMBILILO: Muleipusha amepusho ayashingakalifya abantu, ayengalenga batemwa ukukutika, ayengalenga mwapelulushanya nabo, kabili ayengalenga mwakomaila pa fishinka ifyo mulefwaya bomfwe.

IFYO MUFWILE UKUCITA:

• Mulelenga abantu batemwa ukukutika. Muleipusha amepusho ayengalenga abalekutika balatontonkanya pa fyo mulelandapo nelyo balafwaisha ukwishiba icasuko.

• Mulepelulushanya. Muleipusha amepusho ayengalenga abalekutika bakonka bwino ilyashi kabili ayengalenga abene baishiba icishinka.

• Mulekomaila pa fishinka ifyo mulefwaya bomfwe. Pa kutendeka ukulanda pa cishinka icikalamba muleipusha icipusho icingalenga bafwaisha ukukutika. Muleipusha amepusho ya kupitulukamo pa numa ya kulanshanya icishinka cikalamba, nelyo ilyo mulesondwelela ukulanshanya.