Ifyo Yehova Abumba Filalenga Twacetekela Ukuti wa Mano

Bushe Yehova aleshiba lyonse ifingatuwamina? Ee aleshiba! Nga twasumina ici cishinka kabili tulekonka ne fyo atweba tulanga ukuti tuli ba mano. (Amapi. 16:3, 9) Na lyo line, kuti catukosela ukucetekela Yehova no kucita ifyo atweba nga ca kuti nafipusana ne fyo tuletontonkanya. Nga tuletontonkanya sana pa fyo Yehova abuumba tukacetekela sana ukuti wa mano.—Amapi. 30:24, 25; Rom. 1:20.

TAMBENI VIDIO ITILA IFILANGA UKUTI KWALIBA KABUMBA—IFYO UTUNYELELE TWENDA UKWABULA UKWISALILA UTUNANKWE INSHILA NANGU TUFULE SHANI, LYENA ASUKENI AMEPUSHO YAKONKAPO:

• Finshi utunyelele tucita cila bushiku?

• Bushe utunyelele twenda shani ukwabula ukwisalila utunankwe inshila?

• Finshi abantu bengasambililako ku fyo utunyelele twenda ukufuma ku cifulo cimo ukuya kuli cimbi?

TAMBENI VIDIO ITILA IFILANGA UKUTI KWALIBA KABUMBA—IFYO INSHIMU BETA UKUTI BUMBLEBEE SHIPUPUKA, LYENA ASUKENI AMEPUSHO YAKONKAPO:

• Bwafya nshi abensha indeke bakwata nga bale-ensha indeke iinono?

• Cinshi cilenga inshimu beta ukuti bumblebee shilepupuka ukwabula ukuti baleshisenda ku mwela uukalamba?

• Finshi abantu ku ntanshi nalimo bakanonkelamo mu fyo ishi inshimu shipupuka?

Finshi ifyo Yehova abumba ifyo mumona uko mwikala ifilanga ukuti wa mano nga nshi?