Mulelanda Ifingafika Abantu pa Mutima

Amapinda 3:1

IFILI MULI ILI ISAMBILILO: Mulelenga abalekutika balemona ukuti ifyo mulebeba naficindama pa kuti balefikonka.

IFYO MUFWILE UKUCITA:

• Mulelenga abalekutika batampa ukuibebeta. Muleipusha amepusho ayengalenga abalekutika balaibebeta.

• Mulelenga abalekutika baishiba bwino ifilenga balebombela Yehova. Mulekoselesha abalekutika pa kuti baletontonkanya sana pa cilenga balebomba imilimo iisuma. Mulelenga baishiba ukuti ukutemwa Yehova, ukutemwa abantu banabo, no kutemwa ifyo Baibolo isambilisha e kufwile ukulenga balecita ifisuma. Mulepelulushanya na balekutika; mwilabeba fye ifyo bafwile ukucita. Mu cifulo ca kulenga baumfwa insoni nelyo baumfwa kwati bali no mulandu, mulebakoselesha pa kuti ilyo mwapwisha ukulanda ilyashi balefwaisha ukucita ifisuma apo bengapesha.

• Mulelenga abantu babika amano kuli Yehova. Mulelangilila ifyo Baibolo isambilisha, ifyo amashinte ya mafunde na mafunde ya kwa Lesa yalanga imibele yakwe ne fyo atutemwa. Mulelenga abalekutika balafwaisha ukulatontonkanya pa fyo Yehova omfwa na pa fingalenga asekelela.