Ukulongana kwa mu Mulungu wa November 12

UMULUNGU WA NOVEMBER 12

Ulwimbo 66 ne Pepo

□ Isambililo lya Baibolo Ilya pa Cilonganino:

jr icipa. 1 amapara. 8-14 (30 min.)

□ Isukulu lya Butumikishi Ilya Bulesa:

Ukubelenga Baibolo: Amose 1-9 (10 min.)

Na. 1: Amose 3:1-15 (4 min. nelyo ukucepako)

Na. 2: Bushe “Icipingo Cipya” Cilosha Kuli Paradaise wa pe Sonde ku Ntanshi, Nelyo Bushe ico Caba fye mu “Cipingo ca Kale”?—rs ibu. 238 para. 2–ibu. 239 para. 1 (5 min.)

Na. 3: Kuti Twanonkelamo Shani nga Twaumfwikisha Ifyo Amalumbo 51:17 Yapilibula? (5 min.)

□ Ukulongana kwa Mulimo:

Ulwimbo 68

10 min: Nga Umo Asoso Kuti, ‘Tamwasumina Muli Yesu.’ Ukulanshanya ifyebo fyaba mu citabo ca Ukupelulula, ibula 437, amaparagrafu 2 ukufika ku 4. Citeni icilangililo icipi.

10 min: Finshi Twingasambililako? Ukulanshanya. Belengeni Marko 1:16-20. Lanshanyeni pa fyo ili ilembo lingatwafwa mu mulimo wa mwi bala.

10 min: “Sekelenimo mu Kubombesha Kwenu.” Ifipusho ne fyasuko.

Ulwimbo 98 ne Pepo

Sekelenimo mu Kubombesha Kwenu

1. Cinshi nalimo cingalenga ukuti tutendeke ukumfwa ubunang’ani ukuya mu kushimikila?

¹ Lesa abumbile umuntu ukuti ‘alesekelamo mu kubombesha kwakwe’ (Luk. Mil. 2:24) E co abantu nga tabalefwaya ukumfwa ilyo tuleshimikila, kuti twafuupuka ica kuti twatendeka no kumfwa ubunang’ani ukuya mu kushimikila. Nomba finshi fingatwafwa ukutwalilila fye ukuba abakosa mu kushimikila?

2. Mulandu nshi cawamina ukulaibukisha ukuti te bonse bakalakutika ilyo tuleshimikila?

² Te Bonse Abakalakutika: Mulingile ukulaibukisha ukuti, bantu fye abanono abapokelele imbila nsuma ilyo Yesu aleshimikila, lelo ici tacipilibula ukuti Yesu alifililwe ukushimikila. (Yoh. 17:4) Mu cilangililo ca kwa katanda uwaletanda imbuto, Yesu alangilile ukuti abantu bamo tabakakutike ku mbila nsuma iya Bufumu. (Mat. 13:3-8, 18-22) Na lyo line, mulafuma ifisuma mu kubombesha kwesu.

3. Cinshi twingalandila ukuti tulatwala ‘ifisabo ifingi nga nshi’ nangu ca kutila abantu abengi tabalepokelela imbila nsuma?

³ Ifyo Twingatwala Ifisabo Ifingi nga Nshi: Yesu atile abomfwa icebo ‘balatwala ifisabo.’ (Mat. 13:23) Akalupimbili ka ngano nga kamena no kukula, takatwala impimbili na shimbi isha ngano, lelo katwala imbuto ishipya. E cimo cine no Mwina Kristu, ifisabo atwala, te basambi fye abapya, lelo ni mbuto ishingi ishipya isha Bufumu, e kutila ukulanda pa lwa Bufumu. Mulafuma ‘ifisuma’ mu kutanda imbuto sha Bufumu, kanshi tulingile ukuba ne nsansa nampo nga abantu balepokelela imbila nsuma nelyo iyo. Ilyo tuleshimikila, tulalenga ishina lya kwa Yehova ukuba ilya mushilo. (Esa. 43:10-12; Mat. 6:9) Tulaba aba nsansa pantu tubombela pamo na Lesa. (1 Kor. 3:9) Kabili Yehova alatemwa icine cine ilyo tulemupeela ‘ifisabo fya milomo’ yesu.—Heb. 13:15, 16.

4. Bushe imbila nsuma tushimikila kuti ya-afwa shani abantu ukwabula no kuti twishibe?

⁴ Limo imbila nsuma tuleshimikila kuti ileafwa abantu ukwabula no kuti twishibe. Abantu bamo abo Yesu ashimikiile imbila nsuma nalimo baishileba abasambi ninshi Yesu aliya na ku muulu. E fyo caba na ku bantu bamo abo tushimikila imbila nsuma, nalimo kuti papita inshita pa kuti icebo cilimbe imishila mu mitima yabo, kabili limbi kuti tatwaishiba no kuti balisambilila icine. Ukwabula no kutwishika, mulafuma ifisuma mu mulimo wesu uwa kushimikila. Kanshi ‘natuletwalisha’ no kuba abasambi ba kwa Yesu aba cine cine.—Yoh. 15:8.