IFYO FWE BENA KRISTU TULINGILE UKULAIKALA

Ifyo Ningacita pa Kuti Tusungilile Ishina Ilisuma

Abantu balabika sana amano ku mibele ya Nte sha kwa Yehova. (1 Kor. 4:9) Kanshi tufwile ukuipusha atuti, ‘Bushe ifyo nanda ne fyo ncita filacindika Yehova?’ (1 Pet. 2:12) Tatufwaya ukucita nangu cimo icingonaula ishina ilisuma ilyo Inte sha kwa Yehova bapanga pa myaka iingi nga nshi.—Luk. Mil. 10:1.

Mu fyakonkapo lembeni ifyo Umwina Kristu alingile ukucita e lyo ne shinte lya mu Baibo ilingamwafwa:

Nga ca kuti uushili Nte amusalula

Lembeni icasuko
Nga ca kuti ifya kufwala, motoka, nelyo ing’anda yenu nafilamba

Lembeni icasuko
Nga ca kuti amafunde ya mu bwikashi ya mutitikisha nelyo ya-afya ukukonka

Lembeni icasuko

Ifikope: Ifikope ifyaba muli vidio itila “Ifyo Tucita pa Kuti Abantu Baletemwa no Kucindika Icine.” 1. Munyina alefwailisha mwi buuku. 2. Munyinefwe na nkashi balepituluka mu fyebo bafwailishe. 3. Amapepala ayengi apali ifyebo ifyo bafwailishe yali mupepi na broshuwa itila “The Origin of Life—Five Questions Worth Asking.” 4. Umwanakashi alemona pa webusaiti ya jw.org pali foni yakwe iiya pa intaneti.

Bushe abafwailisha ifyebo ababa mu Dipartimenti ya Kulemba balenga shani tulekwatilako ishina ilisuma?

TAMBENI VIDIO ITILA IFYO TUCITA PA KUTI ABANTU BALETEMWA NO KUCINDIKA ICINE, LYENA ASUKENI ICIPUSHO CAKONKAPO:

Finshi mwatemwa pa fyo icilonganino ca kwa Lesa cibombesha pa kuti balembe ifyebo ifya cine?

Lembeni icasuko