5
Ilyashi Ilyaba mu Baibolo
Yehova Lesa e wakwata insambu sha kuteka. Imitekele yakwe e yalungama. Akafikilisha ifyo alaya ukucita kwi sonde na ku bantu.
Pa numa ya 4026 B.C.E. “Insoka” yasuusha insambu isho Yehova akwata isha kuteka ne nshila atekelamo. Yehova alaya “umwana,” uukafwanta insoka, Satana. (Ukutendeka 3:1-5, 15) Lelo Yehova aleka abantu ukulaiteka ilyo baletungululwa na Satana. |
Mu 1943 B.C.E. Yehova aeba Abrahamu ukuti, “umwana” walaiwe akaba wa mu lupwa lwakwe.—Ukutendeka 22:18. |
Pa numa ya 1070 B.C.E. Yehova aeba Imfumu Davidi no mwana waiko Solomone ukuti “umwana” walaiwe aali no kufuma mu lupwa lwabo.—2 Samwele 7:12, 16; 1 Ishamfumu 9:3-5; Esaya 9:6, 7. |
Mu 29 C.E. Yehova alanda ukuti Yesu, e “mwana” walailwe uwali no kuba Impyani ya Bufumu bwa kwa Davidi—Abena Galatia 3:16; Luka 1:31-33; 3:21, 22. |
Mu 33 C.E. Insoka, Satana, asuma “umwana” walailwe, e kutila ukwipaya Yesu. Yehova abuushisha Yesu ku bumi bwa ku muulu kabili apokelela umutengo we lambo lya bumi ubwapwililika ubwa kwa Yesu, pa kuti kube ukwelela imembu no kupeela abana ba kwa Adamu umweo wa muyayaya.—Ukutendeka 3:15; Imilimo 2:32-36; 1 Abena Korinti 15:21, 22. |
Nalimo mu 1914 C.E. Yesu apoosa Satana pe sonde, no kumuleka pe sonde pene pa nshita iinono.—Ukusokolola 12:7-9, 12. |
Ku ntanshi Yesu akaka Satana pa myaka 1,000 lyena amwipaya, e kutila ukumufwanta umutwe. Ubufwayo bwa kwa Yehova kwi sonde na ku bantu bwafikilishiwa nge fyo alefwaya pa kutendeka, no museebanya wafuma pe shina lyakwe, kabili caishibikwa ukuti e walinga ukuteka.—Ukusokolola 20:1-3, 10; 21:3, 4. |